EUSI MEIST GSTELLTE FRAGE
Wie bisch uf d'Idee cho?
Ich ha scho immer öppis Eiges welle erschaffe – öppis, wo Mönsche erreicht und meh bewirkt, als nume Produkter z verchaufe. Agfange het alles mit de verschmutzte Meer. D'Bilder vo Plastik im Ozean händ mich mega bewegt. Mit de Ziit isch mir aber bewusst worde, dass s'Problem nöd ersch am Meer afangt, sondern scho bi eus i de Schwiiz. Au üsi Bäch, Flüss und See sind vo Abfall betroffen. Drum ha ich mi entschlosse, min Fokus uf d' Schwiizer Gwässer z lege. Chleider begleite eus jede Tag – aber Modelabels git's scho villi. Ich ha öppis welle schaffe, wo nöd nume guet usgseht, sondern au öppis bewirkt. Mit jedem Produkt unterstütze mer üsi Umweltmission und zeige, dass jede Chauf en chline Beitrag cha sii. Zäme chöi mer Grosses bewege.
Würsch sege, hesch dich persönlich dur cleanupfashion au wiiterentwicklet?
Ja, definitiv. Dur cleanupfashion han ich nöd nume mega viel über Nachhaltigkeit und Unternehmertum glernt, sondern au über mich selber. Ich bi selbstbewusster worde, han glernt Verantwortung z überneh und nöd ufzgäh, au wenn öppis nöd grad funktioniert. Vor allem hets mir zeigt, dass au chlyni Idee öppis Grosses bewirke chönd, wenn mer dra glaubt und dranne bliibt.